Il cumpliment dad oz va a Silvia e Jost Falett da Bever. Corina Bott da Valchava engrazia ad els en num da sia entira famiglia per ils bels dis ch'els han pudì passentar l'emna passada tar ils Falets en Engiadin'Ota. Els han giudì da far passlung ed èn vegnids maldisads da Silvia e Jost da la tschaina fin tar l'ensolver.
Faschai era part
Ma era sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
Audituras ed auditurs pon annunziar ad RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.