Quest'emna survegn Andrea König da Vicosoprano in cumpliment. Quai numnadamain da Monica Juon da Scuol per il grond agid cun ils avieuls. Perquai trametta ella in grond engraziament sur las undas dal Radio Rumantsch.
Faschai era part!
Er sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
Audituras ed auditurs pon annunziar ad RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.