Gia dal 1874 ha ina musica instrumentala sunà tar il cortegi da tschaiver a Basilea. La glieud n'era insumma betg intgantada. Cun ils onns èn els però sa disads. Dal 1906 numnavan els quella musica la «Guggenmusik».
Da Basilea è la musica da guggas sa derasada sur tut la Svizra. Ils onns 50 èn las emprimas guggas cumparidas a Lucerna. L'emprima gugga en il Grischun è vegnida fundada il 1977: las «Sgarellas» da Domat. Sur tut la Svizra datti entant tantas guggas sco anc mai.
