Vias stippas, chasas grondas e bellas ed ina bostgaglia tranter ils ierts. Igl è quiet en il quartier da Cuira, ed i para ch'ils abitants vulan era avair lur ruaus. I na fa betg surstar, ch'ils vischins na discurran betg bler in cun l'auter. Quai din era ils vischins sezs. Christian Rathgeb saja dentant bainvis en il quartier. Cura ch'ins vesa el, saja el gentil e salida adina.
Il vischin direct da Christian Rathgeb di dentant, ch'el haja in'u l'autra giada gì in discurs sur la saiv d'iert. Per part sajan els era sesì ensemen ed hajan discurrì in pau sur da tut.