Siglir tar il cuntegn

Header

audio
Las istorgias en la biblioteca da Landquart.
MAD
laschar ir. Durada: 4 minutas 3 Secundas.
cuntegn

Istorgias da Landquart - dad ier, oz e damaun

Fin la fin da mars ha Landquartkultur, in'uniun che promova la cultura regiunala, rimnà text scrits dad indigens. Uss ha ina giuria tschernì per mintga categoria trais victurs. Las categorias eran uffants, giuvenils e creschids. Tut las istorgias san ins leger en la biblioteca da Landquart.

Bunamain 80 istorgias èn vegnidas inoltradas. Tranter tut ils texts datti istorgias vairas ed er da quellas inventadas. Chi vegnan inoltradas tantas istorgias è stà ina gronda surpraisa per la suprastanza da Landquartkultur. Per tscherner ils victurs èsi vegnì dà puncts tar trais criteris: creativitad, originalitad e la lingua. Uschia han giuvenils per exempel scrit in rap sur dina plazza da ballabasket.


Tut las istorgias èn per il mument en la biblioteca da Landquart. La suprastanza vul però edir in cudeschet cun tut las istorgias. Cur chil cudesch vegn ad esser a fin nè anc betg cler. Planisà è dad edir il cudesch cun las istorgias fin l'atun da quest onn.

Dapli da «Total local»

Scrollar a sanestra Scrollar a dretga