Ti schemia ...! Dis era ti quei a tiu frar ni a tia sora, cura che vus veis carplina? Ni veis vus mai da sescagnar? Nic e Luisa bein, e co! Els sestrain pils cavels, din in a l'auter aviras e dattan culs pugns e zipladas.
Tü schimgia …! Dist eir tü quai a teis frar o a tia sour cur cha vo vaivat dispitta? O nu faivat mai dispitta? Nic e Luisa bain, e quai co! Els as tiran lura pels chavels, as dischan trids pleds e’s dan puogns e picladas. Fin cha … ma guarda tü che chi capita!
Tei schiemgia …! Gis tei ear quegl a tieus frar near a tia sora cur ca vus vez daspeta? Near vez vus mena daspeta? Igl Nic a la Luisa bagn, a co! Els satiran alura pigls tgavels, sagin pors pleds a sadatan pugns a picladas. Antocen ca … mo varda tez tge ca capeta!
Tü schimgia …! Dist eir tü quecò a tieu frer u a tia sour, cur cha vus vais dispütta? U nu fais mê dispütta? Nic e Luisa bain, e cu! Alura as stirane pels chavels, as dian trids pleds e’s daun puogns e picledas. Fin cha … ma guarda svess che chi capita!
Te schemgia …! Deist te chegl er a ties frar u a tia sora cura tgi vez dispeta? U faschez mai dispeta? Nic e Luisa bagn, e chegl scu! Els steiran pigls tgavels, deian pleds noschs e dattan pugns e picladas. Anfignen tgi … ma varda tez tge tgi capeta!
Aiaiai, noua e la turta da nuschs me svanida c’igl ô Teo â radetg? Forza e’la or an tgadafiac, near forza segl bufet da stiva, neeeear ... forza â igl Lupo maglieu ella. Ad â anzatgi vieu igl Nic a la Luisa?
Aiaiai, ingio mâ es svanida la tuorta da nusch cha barba Teo ha portà? Forsa è’la our in chadafö, o forsa sül büfè da stüva, ooo … forsa tilla ha Lupo magliada. Ed ha inchün vis a Nic e Luisa?
Aiaiai, inua mê es svanida la tuorta da nusch cha’l barba Teo ho purto? Forsa è’la our in chadafö, u forsa sül büfè da stüva, uuu … forsa l’ho Lupo maglieda. Ed ho qualchün vis a Nic e Luisa?
Aiaiai, noua pomai è’la svaneida, la turta da nouschs tgi barba Teo ò purto? Forsa è’la or an tgadafi, u forsa segl poffet an steiva, uuu … forsa tgi Lupo l’ò magleda. Ed ègl ensatgi tgi ò via Nic e Luisa?