L'istorgia commoventa or da la vita dad Antonetta Battaglia-Janutin da Riom

Dapi prest 30 onns exista l’Archiv cultural da dunnas dal Grischun. El è vegnì fundà e quai per necessitad. Relaschs da dunnas, istorgias da dunnas, documents da dunnas e d’organisaziuns da dunnas vegnivan savens bittads davent. Tals documents na parevan betg degns da vegnir archivads. In fatg che ha motivà l'istoricra Silke Margherita Redolfi e la schurnalista Silvia Hofmann-Conrad da fundar in archiv da dunnas per il Grischun.