Memorias femininas
Il film documentar rumantsch preschenta l’Archiv da cultura da dunnas dal Grischun. El è vegnì fundà l’onn 1997 da l’istoricra Silke Margherita Redolfi e da la schurnalista Silvia Hofmann-Konrad, e quai per necessitad. Relaschs e documents da dunnas e d’organisaziuns da dunnas èn numnadamain savens vegnids bittads davent. Els valevan sco betg degns da vegnir archivads. Uschia èn idas en emblidanza impurtantas biografias da dunnas. Oz è l’Archiv da cultura da dunnas etablì e posiziunà a moda multifara. En las localitads d’archiv climatisadas èn deponids documents, brevs, fotografias ed objects. I dat in’interessanta biblioteca cun cudeschs da e davart dunnas. Ultra da quai organisescha l’Archiv da cultura da dunnas occurrenzas e prelecziuns. La camera accumpogna la manadra Silke Margherita Redolfi durant sia lavur ed a preschentaziuns publicas ed è da la partida, cura ch’ella po retrair relaschs. Il film mussa bels inscunters, ma era problems, cun ils quals l’Archiv da cultura da dunnas cumbatta.
-------------------------------------------------------------------------------------------- Der romanische Dokumentarfilm stellt das Frauenkulturarchiv Graubünden vor. Gegründet wurde es 1997 von der Historikerin Silke Margherita Redolfi und der Journalistin Silvia Hofmann-Konrad. Dies geschah aus...
