3 persunas, 3 differents sports, 3 extrems
Tge definescha in sport extrem? Èsi il privel u èsi la prestaziun? Trais disciplinas da sport mussan differentas furmas da l'extrem: Ramun Tomaschett sin la Highline, Jenni Paglia sin la distanza lunga e Luca Deflorin sin il mountainbike.
#1 Highline: Ramun Tomaschett
Il giuven da 25 onns è creschì si a Cumbel ed ha chattà sia passiun avant sis onns – la passiun da highline. Ballantschar sin la suga dat ad el energia. I saja daventà in act meditativ. Per pudair far quai sport haja duvrà bler trenament. Cunzunt l’entschatta. El haja duvrà in mez onn fin ch'el ha pudì seser cumadaivel sin la suga, pudì star si e far l’emprim pass sin ina highline. Cunzunt bler concentraziun dovri, tenor Ramun Tomaschett saja lezza schizunt centrala per insumma far quai sport.9 min
#2 Triatlon: Jenni Paglia
L'atleta tudestg-taliana viva gia dapi var otg onns a San Murezzan. Sia passiun è l'Ironman Triatlon, ina da las pli pretensiusas occurrenzas da triatlon a lunga distanza dal mund. Tar questa concurrenza ston ils participants absolver trais disciplinas da perseveranza che suondan: 3,8 km nudar, 180 km ir cun velo e 42 km currer. La pli enconuschenta cursa è il campiunadi mundial da l'Ironman a Hawaii, nua ch'ils megliers triatlets dal mund sa mesiran, sco era Jenni Paglia.7 min
#3 Downhill: Luca Deflorin
Il mat dad 11 onns da Mustér ha chattà sia passiun avant tschintg onns, numnadamain en vacanzas. Sia passiun è downhill. Downhill è ina disciplina da mountainbike, nua ch'i va per ir en las spundas taissas u en las collinas. Downhill è ina moda da far sport excitanta ed adrenala che vegn appreziada dals entusiasmads da velos da muntogna pervia da lur natira intensiva e pervia da la pussaivladad d’explorar cuntradas cun blera pulvra atmosferica. Igl è dentant er ina disciplina che pretenda inschign ed experientscha, cunquai ch’ella sa chatta en in lieu cun gronda sveltezza e cun in terren pretensius. Cun 11 onns va el gia rutas pretensiusas.4 min
