En il focus

Co vinavant cun il spazi da viver per indigens?

Co è la situaziun actuala e tge pussaivladads datti en avegnir per stgaffir spazi da viver per indigens? A la maisa radunda han prendì plaz duas presidentas communalas, in secretari d'ina associaziun da proprietaris ed il co-president da la societad Anna Florin.
3 min
5 min
Er en l’Engiadina Bassa patescha la populaziun locala d’ina mancanza dramatica d’abitaziuns pajablas. Quai fa surstar. Surstar fa er ch’i dat adina dapli segundas abitaziuns. L’iniziativa dal 2012 vuleva bain limitar abitaziuns da vacanzas sin 20%. Tge è capità? Respostas dat il film «La lescha da segundas abitaziuns – ina farsa?».
27 min
52 min
Els sa numnan «segund-indigens» ed han magari il sentiment ch’ils indigens veglian mo lur raps. Ils segund-indigens, quai èn quels e quellas che possedan abitaziuns secundaras. Quai èn quels ch’han il sentiment dad esser giasts da segunda classa. Quai èn quels che sa dostan encunter novas taxas da las autoritads communalas. Mo è quai il vair maletg dals segund-indigens? Il film «Tut segund indigen» da Casper Nicca accumpogna trais segund-indigens da Breil, Valbella e Sent durant lur vacanzas da Nadal e Bumaun. Daco èn els qua, tgi èn els, tge portan e tge vulan els? Il film «Tut segund indigen» als lascha vegnir a pled.
26 min