Siglir tar il cuntegn

Header

audio
Remo Derungs e sia Musica da Vignogn ils 2015
RTR
laschar ir. Durada: 58:57 minutas.
cuntegn

100 onns Societad da musica Vignogn

Tadlar
Download

1920 han 15 musicants fundà la Societad da musica da Vignogn ed engaschà il plevon dal vitg, sur Christoffel Willi, sco dirigent.

Fin ussa han nov dirigì quella musica lumneziana. Furmà e marcà ella han surtut ils trais dirigents: Gieri Foppa (dirigì 32 onns), Robert Casanova (dirigì 24 onns ed el ha introducì il sistem brass band) ed il dirigent actual Remo Derungs (el ha manà ella si en 2. classa tenor fermezza). Oz dumbra la Musica da Vignogn 37 musicantas e musicants ed è senza dubi ina da las fermas brass bands dal Grischun.

En l'Artg musical raquintan il president d'onur Serafin Derungs ed il dirigent d'onur Robert Casanova dal svilup da questa societad. E l'Artg musical porta daspera registraziuns fatgas da RTR cun Vignogn tranter 1978 – 2015.