Siglir tar il cuntegn

Header

audio
Anny Roth-Dalbert (1900-2004) - cumponista
RTR
laschar ir. Durada: 58:22 minutas.
cuntegn

Anny Roth-Dalbert (1900-2004) – ina vita per la musica

Avant 120 onns è Anny Roth-Dalbert naschida a Berna.

Tadlar
Download

La musica saja stada il motor da sia vita. Quai ha ella adina puspè confirmà. Anny Roth-Dalbert, magistra da clavazin, chantadura, dirigenta e cumponista.

Naschida è ella ils 12 d'october 1900 a Berna – damai uss avant 120 onns. Ella ha fatg studis da musica a Turitg e quai sco ina da las emprimas dunnas al conservatori. Vivì ed operà ha ella il bler da sia vita en l'Engiadin'Ota. Morta è la musicista ils 16 da matg 2004 a Sent.

L'october 2000 – per ses 100avel anniversari – ha RTR gì fatg ina visita ad ella a Sent. L'Artg musical repeta questa sentupada dal 2000. A pled vegnan era sia figlia Ursula Stohler-Dalbert, chantadura e Risch Biert, pianist ed ami da la famiglia Roth-Dalbert. E nus tadlain sa chapescha musica cumponida dad Anny Roth-Dalbert.