«Ils plaids han maguol ell'ossa, in flad profund, in'olma. Cun gl'agid dil plaid less jeu far la punt denter la musica e la veta dil carstgaun», scriva Arnold Spescha insanua. En trais Artgs musicals emprov jau dad ir sur quella punt vi e da m'avischinar uschia ad Arnold Spescha – il poet. E nus tadlain sa chapescha chanzuns cun pleds dal poet da Pigniu. La chanzun derasa gea anc pli fermamain la poesia! RTR posseda en ses archiv ca. 60 chanzuns cun pleds dad el. Arnold Spescha in universal! Um dal linguatg, da la musica, stà magister cun corp ed olma. 2007 ha el retschet il premi da cultura dal Grischun en renconuschientscha da sia promoziun da lingua e cultura rumantscha e per ses engaschament per la musica instrumentala en Svizra. I sa tracta d'ina repetiziun dals 23-05-2021. (2. part: Artg musical da dumengia: 22-08-2021 a las 14:03 ni sin rtr.ch).
Arnold Spescha (1. part) – Po il pled er esser en dur u mol?
Fin oz han 30 cumponistas e cumponists mess poesias d'Arnold Spescha en musica.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter