44 onns è Claudio Simonet stà lià cun la Scola da musica Surselva; 10 onns sco magister e 34 onns sco manader. L'entschatta da favrer ha el surdà quest manaschi cun passa 750 scolaras e scolars e 40 magistras e magisters a Clau Scherrer. L'Artg musical ha visità Claudio Simonet a Glion en las localitads da la Scola da musica e discurrì cun el davart il svilup che quest'instituziun ha fatg ils davos 30 onns.
E nus udin producziuns da scolaras e scolars fatgas il 2015, chanzuns dal Chor da la Scola da musica Surselva registradas 1994 sco era divers chants da l'ensemble vocal Krambambuli dal 2003.