Ins dastga strusch dir – dunnas dirigentas eran fitg, fitg stgarsas qua tar nus. Oz èn ellas anc adina en la minoritad. En ina seria emprova l'Artg musical da savischinar al tema ‘La dunna Rumantscha en la musica; la dunna sco dirigenta, interpreta/solista, sco cumponista u poetessa (furnitura da texts per cumposiziuns). La segunda part da questa seria è deditgada a la dunna dirigenta da chors e musica en la Rumantschia. Tar las musicas era ed è anc oz la quota da dirigentas pli che magra. Tar noss chors vesa quai ora meglier. L'Artg musical porta registraziuns fatgas da RTR en ils onns 1960 – 2020, chant e musica, nua che las suandantas dunnas han dirigì: (chors) Alice Peterelli, Menga Juon-Dolf, Marcellina Casanova, Martina Moser, Rositha Casutt-Derungs, Pauline Sol, Jovita Valier, Leta Mosca-Gaudenz, Annamaria Schlosser, Gianna Vital-Janett e Flavia Walder; (musicas) Claudia Derungs, Iris Monn, Cornelia Vincenz e Marianna Sempert.
Donna in musica II – La dirigenta da chors e musicas
La dunna sco dirigenta da chors e musicas en la Rumantschia.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter