Siglir tar il cuntegn

Header

audio
Donna in musica - Judit Scherrer, mezzosopranista
RTR
laschar ir. Durada: 59:50 minutas.
cuntegn

Donna in musica III - L'interpreta/solista

La dunna rumantscha sco solista vocala / instrumentala.

Download

En ina seria emprova l'Artg musical da s'avischinar al tema «La dunna rumantscha en la musica»; la dunna sco dirigenta, interpreta u solista, cumponista. L'entschatta mars èn las duas emprimas emissiuns vegnidas emessas, la dunna dirigenta da chors e musicas. La terza part è deditgada a la dunna interpreta da musica instrumentala e solista vocala. Dirigentas datti, ellas èn dentant en la minoritad. Chantaduras da professiun avain nus ina bella retscha. Intginas èn d'udir en quest Artg musical, sa chapescha sper dunnas interpretas a l'instrument. L'Artg musical porta registraziuns fatgas da RTR ils onns 1951 – 2020. Nus udin: Flurina Sarott, Letizia Scherrer, Rica-Maria Cathomen, Deta Hänzi-Cuonz, Giuanna Caduff, Ulrica Vital, Aita Biert, Cristina Vital, Stefania Huonder, Sara-Bigna Janett, Judit Scherrer, Rilana Cadruvi, Muriel Schwarz, Las randulinas, Las Soras Scherrer, Chor da dunnas Falera e las dunnas dal cantus firmus surselva.

Redacziun: Giusep G. Decurtins