Siglir tar il cuntegn

Header

audio
Giusep Sialm (1934-1985) - Quo vadis
RTR
laschar ir. Durada: 57:40 minutas.
cuntegn

Giusep Sialm (1934-1985) – cumponist e dirigent

Avant 35 onns è Giusep Sialm mort a Therwil/BL.

Tadlar
Download

El ha vivì ed operà per gronda part en la Bassa. E tuttina: sia patria grischuna e rumantscha n'ha el mai emblidà. Da quai dattan perditga er intginas da sias cumposiziuns: Pictura, Retsina 2000, Quo vadis (rumantschia)? Ed ils marschs: Mistralia, Rätikon, Sonor. Ubain sias chanzuns per chor viril u maschadà.

Giusep Sialm ha cumponì vers 100 ovras. El ha dirigi musicas da qualitad (d.a. Mustér, Cham, Birsfelden). El è stà commember da la cumissiun da musica da l'Uniun svizra da musica ed expert a festas. Tut quai sper sia occupaziun principala: magister da musica al gimnasi e manader da la scola da musica da Birsfelden.

Giusep Sialm è naschì ils 7 da mars 1934 a Segnas/Mustér. El ha frequentà il gimnasi a Mustér ed il seminari da scolasts a Cuira. Lura suondan studis da magister secundar e da musica a Fribourg e studis da musica a Turitg, Vienna e Salzburg. Ils 19 da settember 1985 è Giusep Sialm mort a Therwil suenter curta e greva malsogna en la vegliadetgna da mo 51 onn.

Redacziun: Giusep G. Decurtins