Siglir tar il cuntegn

Header

 Via crucis - Stabat mater dolorosa
Legenda: Via crucis - Stabat mater dolorosa MAD
cuntegn

La via crucis en chant e musica

Stabat mater dolorosa – musica per venderdi sontg

Abunar

L'Artg musical spezial per venderdi sontg porta chant e musica dal patir, suffrir e murir da Jesus Cristus. Il Chor dal gimnasi claustral da Mustér dat l'imni «Hör mein Bitten» da Felix Mendelssohn-Bartholdy, «Die sieben letzten Worte Christi am Kreuz» da César Frank e da Gabriel Fauré Cantique de Jean Racine.

Daspera èn d'udir cumposiziuns da Massenet (Méditation), Mozart (Misericordias domini), Rossini (dal Stabat mater: Pro peccatis suae gentis et Sancta Mater, istud agas) e musica sinfonica che enserra il patratg da la mort. Era nus possedain insaquantas ovras per quest temp dal patir e suffrir, uschia Confiert da Gion Duno Simeon e d'Alvin Muoth ses Stabat mater e Pater noster.