La Musica da Domat è vegnida fundada 1803. 217 onns pli tard, il settember 2020, ha il dirigent Gian Stecher registrà cun quella furmaziun ovras per in disc cumpact. Viva la Musica da Domat – uschia sa numna quel DC che mussa in bel tagl tras il repertori vegl e nov. L'Artg musical porta tschintg titels: Musica da Domat 2020, Napoli, Swiss-Medley, Dorma bain e Swedish Folk Song O Lord My God. Dasperas sunan diversas musicas dal militar svizzer ovras cun ina relaziun tar il Grischun, tar la Rumantschia sco: Da mia patria, Di per di, Viva Obersaxen, in marsch da Rafael Camartin da Breil ed ils renumads marschs: Diavolezza, San Carlo, Arosa e Viva la Grischa! Per finir interpretescha la Brass Band sursilvana la trista chanzun d'Otto Camenisch e sur Gion Cadieli tschentada per brass band da Gion Andrea Casanova e Corsin Tuor «Sun sin finiastra tut persuls e mirel o el stgir (Has buca mumma pli)».
Viva la Grischa!
L'Artg musical lascha sunar musicas indigenas ed estras.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter