Siglir tar il cuntegn

Header

audio
Durant la discussiun da podium cun represchentants pro e contra telefonia mobila e 5G.
RTR, Federico Belotti
laschar ir. Durada: 01:53 minutas.
cuntegn

5G fa quitads a la populaziun da la Tumleastga

Ils radis da la telefonia occupeschan il mument blera glieud. Gist cun la nova tecnologia da 5G che la Swisscom, Sunrise e co. installeschan il mument, crescha la malsegirtad. En Tumleastga hai dà la mesemna saira ina discussiun da podium en chaussa.

Tadlar

A pled èn vegnids: in represchentant da la telefonia mobila, lUffizi da natira dal Grischun, in medi, in inschigner independent ed in advocat da donns. In politicher chavess ditg insatge en chaussa, nhan las vischnancas da la Tumleastga chhan organisà il podium betg chattà.

Rait mobila e sperta è impurtanta per l'avegnir

A la discussiun da podium ha il represchentant da telecommunicaziun declerà, quant impurtant che la tecnologia da 5G saja per lavegnir. I vegnia en il futur a dar tut novas tecnologias che dovrian dapli capacitads, per exempel autos che van autonom.

In medi ha ditg chils davos 25 onns sajan en sia pratica saugmentads ils cas da glieud che pateschia da radis da telefonin. Il represchentant da telecommunicaziun ha dentant respundì, chels resguardian las limitas da radiaziun da la Confederaziun. Ed i dettia era studis che confermian, chils radis dals telefonins na sajan betg nuschaivels per luman.