Sco pli emprim: las chazzolas
Vid in velo s'auda davantsi e davos ina chazzola. Vitier èsi en Svizra ina obligaziun d'avair reflecturs sin las pedaleras. Sch'ins va sin vias principalas duessan ins era trair en ina vesta reflectanta.
Proteger il chau è d'avantatg
Tar temperaturas bassas èn las vias bleras giadas scheladas era schellas paran d'esser sitgas.
Franar l'enviern
Impurtant èn era ils frains. El cas chins po stuschar il velo durant ch'ins tegn ils frains, lura èsi temp da midar els. Las distanza da franar èn numnadamain durant l'enviern bler pli grondas che durant la stad.
Pneus cun pauca aria
Vinavant duessan ins mirar chils pneus dal velo nha betg si memia blera aria. Uschia ha il pneu dapli surfatscha sin via e sa glischna pli pauc. Il pneu sez duess ver in profil da circa in mez centimeter.
Adina metter sut tetg il velo
El cas ch'ins dovra mintga di il velo l'enviern, duessan ins adina mirar da metter el sut tetg. Il meglier en garascha e betg sulet avant chasa sut in tetg. Il fraid procura ch'ils pneus survegnan fessas.
Sch'il velo stat en garascha alura far uss il service
Sche vus n'avais insumma nagin gust dad ir cun velo l'enviern, alura èsi da recumandar da laschar far l'atun ni l'enviern il service da l'onn. Per l'ina han las stizuns da velo pli svelt in termin liber e per l'autra datti en questa stagiun savens precis pli favuraivels.
Ils e-bikes
Cura ch'ins va l'enviern cun l'e-bike alura èsi da recumandar da metter el segir en in lieu sitg. Laschar dadora igl e-bike tar temperaturas sut nulla grads n'è betg d'avantatg per la battaria. Ella sa svida pli svelt che normal. El cas che vus na duvrais betg l'e-bike durant l'enviern alura èsi da chargiar mintga dus mais la battaria perquai che quella na duess betg star plirs mais sin 0% dal accu.
