Siglir tar il cuntegn

Header

cuntegn

Passlung: Intgins tips per principiants

Gia dapi intgins onns è il passlung trendy. E la pandemia procura per in schlantsch supplementar. Ma tge dovri per in bun start en la loipa, sco principiant u principianta da passlung?

Tadlar

Essenzial è d'avair bun material, di Ernst Orlik, che instruescha dapi set onns passlung a Lai. Sch'il material na constat betg, lura na funcziunan las stentas en la loipa betg. Il resti na dastga betg esser memia chaud – cunquai che passlung è strentg, cumenzan ins prest a suar.

Sa laschar cusseglier d'in profi

A l'entschatta renda quai da prender in pèr lecziuns tar in scolast u tar ina scolasta da passlung. Uschia eviteschan ins sbagls tecnics, ed il profi po era motivar. Uschia resta la motivaziun ed il plaschair.

Betg surfar

Per ch'il plaschair restia èsi era impurtant da cumenzar bufatg. Passlung è in sport che dovra bunamain tut ils musculs. Sch'ins ha surfatg na pon ins bunamain betg sa muventar ils proxims dis. Impurtant èsi er davair pazienza.