Per evitar al cumenzament da la scola accidents, dovri attenziun dals uffants sco era dals automobilists. Durant l'emprima emna da scola vegnan las regiuns Grischunas controlladas ed observadas dapli da patruglias da la polizia per evitar accidents cun scolars vid sdrimas melnas.
La regla principala per ils automobilist: franar l'auto avant la sdrima melna, e betg laschar rullar el plaunet. Tenor il motto da la polizia «Rad steht – Kind geht».
La regla principala per ils uffants: surpassar la via, cura che l'auto stat airi dal tut.
Betg dar segns als scolars
Vinavant na duessan ils automobilists betg dar segns cun mauns per laschar ir insatgi sur via vi. Cunzunt betg tar scolars – lez fidan tenor Marcus Walser da la polizia da Cuira al manischunz ed emblidan magari il traffic da l'autra vart da la via.
Situaziuns difficilas datti era en vitgs ni lieus senza sdrimas melnas.
Leu ha l'uffant tenor regla da spetgar, enfin che l'auto é sperasvi avant che surpassar la via.
