Gabriella Sonder-Dosch - La gruppa da paun da Salouf

Gabriella Sonder-Dosch che ha 60 onns ha fatg bundant 35 onns la pura ensemen cun ses um a Salouf. Avant in temp han els surdà il manaschi bio cun vatgas da latg a la proxima generaziun.

1 / 13

Legenda: Gabriella Sonder-Dosch avant il pastrign cun il furn. RTR, Marionna Lombriser

2 / 13

Legenda: Gabriella Sonder-Dosch avant il pastrign cun il furn. RTR, Marionna Lombriser

3 / 13

Legenda: Il pastrign da Salouf e simpel e funcziunal. RTR, Marionna Lombriser

4 / 13

Legenda: Gabriella Sonder-Dosch da Salouf. RTR, Marionna Lombriser

5 / 13

Legenda: Paun e maila. mad

6 / 13

Legenda: Schuppa da paun. mad

7 / 13

Legenda: La laina è pronta per stgaudar il furn. mad

8 / 13

Legenda: I dovra ina buna chalur per coier il paun. mad

9 / 13

Legenda: La gruppa da paun da Salouf fa la pasta sco las mammas, tattas e basattas. mad

10 / 13

Legenda: Adina duas differentas commembras da la gruppa fan ina giada per mais paun per l'entira gruppa. mad

11 / 13

Legenda: La gruppa da paun da Salouf fa pauns da 650 grams. mad

12 / 13

Legenda: La gruppa da paun da Salouf dovra 20 kg farina per far la pasta. mad

13 / 13

Legenda: Ils pauns savurus ord il furn da laina èn pronts per reparter. mad

L’anteriura pura che ha oriundamain ina scolaziun mercantila, s’engascha dapi blers onns en l’uniun da dunnas da Salouf e lavura er passa 20 onns sco scolasta da joga. Pervi da corona ha Gabriella Sonder-Dosch uss dentant bler peda ch’ella giauda gugent cun ils quatter biadis. Viver cun ed en la natira è impurtant per l’anteriura pura. Ella è gugent en moviment a pe, cun ils skis, cun il velo, da saltar cun ses um u cun la gruppa da Line Dance.

Il paun fatg sez ord il furn da laina ha in auter gust ed in’autra savur.

Per la seria Nossa cuschina raquinta Gabriella Sonder-Dosch da la tradiziun da far paun a Salouf en il pastrign cun il furn da laina. Ina giada al mais fan duas persunas da la gruppa paun cun 20 kg farina e lura san ils auters vegnir per lur pauns.