Siglir tar il cuntegn

Header

cuntegn

Grillar cun Gion Cajacob Il gourmet sut tschel avert

Durant il mais da matg sesain nus cun Gion Cajacob da Rabius en ses curtin enturn ses tschertgel da fieu. Cun sia «cuschina sut tschel avert» passenta el gugent bels muments da culinarica e cumpagnia cun sia famiglia e cun ses giasts.

«Il pli bel è, da pudair planisar ina bella grillada e pudair giudair cumadaivlamain famiglia ed amis senza stuair guardar sin l’ura. Quai è sco vacanzas», di el. Discurrer dal grillar chaschuna egls glischants tar l'um da 51 onns. Passa 20 onns è Gion Cajacob capo cuschinier tar la chasa d’attempads a Trun. Barattar la cuschina professiunala cun sia cuschina sut tschel avert en ses curtin a Rabius saja in vair plaschair ed era adina ina bella aventura. Nagut è nunpussaivel! Sin ses tschertgel fa Gion Cajacob vairs menus da gourmet.

Enturn il tschertgel da fieu datti bels discurs tar in bun magiel vin.
Autur: Gion CajacobCapo cuschinier en Chasa s. Martin a Trun

Gion Cajacob è immediat stà intgantà e fascinà da quest tschertgel da fieu. Cun il tschertgel da fieu saja naschida ina nova dimensiun da grillar.

Amur sin emprima e segunda egliada.
Autur: Gion CajacobCapo cuschinier en Chasa s. Martin a Trun

Sia dunna Jasmin na resenta quest’amur surdimensiunada betg sco concurrenza. Anzi, tant ella sco era lur figls Joël e Levin èn superbis e fitg cuntents da la passiun dal bab. Era els giaudan las creaziuns. Ina grillada en famiglia è tar ils Cajacobs savens lavur da team.

Tuts sa gidan. Grillar è dentant chaussa dal schef!
Autur: Gion CajacobCapo cuschinier en Chasa s. Martin a Trun

Ina grillada cun products frestgs, legums, charn e pesch è sco ina buna purziun qualitad da viver.

Las mesemnas da matg ans raquinta Gion Cajacob davart sia gronda passiun per il grillar. El ans di co el sa lascha inspirar per experiments sin il gril ed el declera l’impurtanza da crear in bel ambient per famiglia e per giasts per ina grillada perfetga.

RTR Nossa cuschina 10:15

Artitgels legids il pli savens

Scrollar a sanestra Scrollar a dretga