Siglir tar il cuntegn

Header

Ramonda Caduff sesa e tegn ensemen ils mauns
Legenda: Ramona Caduff è ina dunna plain ideas Gaby Degonda
cuntegn

Ramona Caduff da Degen «Jau sun creativa, in pau caota ma a la fin vai si»

Mangiar è ina da las pli bellas chaussas da la vita. Da recepts delizius e davart sia filosofia en cuschina ans tradescha Ramona Caduff durant il mais da schaner.

Jau sun creativa ed in tip che fa senza lungas ponderaziuns.
Autur: Ramona Caduffinterprendidra e managera Bain Creativ

En l’emprima seria da Nossa cuschina da l'onn 2021 ans accumpogna Ramona Caduff. Ramona è oriunda da Breil, ella ha fatg il giarsunadi da commerzi tar in biro fiduziari. Pli tard ha ella lavurà en la gastronomia e scuvert l'amur per la cuschina. L'onn 2008 han Edi Caduff e sia amia Ramona surpiglià il bain puril da la famiglia a Degen. Il giuven pèr ha uschia pudì realisar ses siemi e schlargiar lur manaschi da puraria biologic – tar in vair paradis creativ per giasts da vacanzas ed indigens. L'onn 2013 han els maridà.

La natira, la lavur e mes um Edi fan mai ventiraivla.
Autur: Ramona Caduffmanagera e cuschiniera creativa

Il manaschi da Edi e Ramona Caduff è creschì. Sper la puraria cun tegnida da vatgas-mamma vegn cultivà sin prà, en iert e curtin products biologics. Entant porschan els servetsch da catering, l'ustaria Stiva a Degen e producziun da products preparads per la vendita regiunala.

La puraria è il resort da Edi. Per il manaschi da l'ustaria Stiva ed il servetsch da catering è Ramona responsabla. Charn, verduras, fritgs ed ervas – tut frestg, stagiunal e biologic dal bain puril sa tschentan sin il taglier dal giast u sin ils bels buffets da catering. Cuschina frestga, moderna e creativa è la devisa da Ramona Caduff.

Tut sto constar: il gust, las colurs e la vaschella.
Autur: Ramona Caduffmanagera e cuschiniera dal Bain Creativ a Degen

En la cuschina da Ramona vegnan dentant era producids products preparads per la vendita en stizuns regiunalas e stizuns da bio. Radund 400 kilos raviolis pon Ramona e sias gidantras producir en in mais. Durant il schaner ans tradescha Ramona Caduff quatter delizius recepts da sia cuschina creativa. Ella ans raquinta da sia lavur, las sfidas e plaschairs tar sia lavur. Adina la mesemna las 10:15 uras.

RTR Nossa Cuschina 10:15

Artitgels legids il pli savens

Scrollar a sanestra Scrollar a dretga