Siglir tar il cuntegn

Header

cuntegn

Spezialitads da charn ansiel cun Nadia Deplazes

La biopura da Surrein preschenta il mais da matg recepts per la cuschina regiunala e biodiversa. Sin la puraria ch’ella maina ensemen cun ses um e lur dus uffants, han els vatgas-mamma, lamas e chauras. Nadia Deplazes raquinta da ses recepts preferids per cuschinar charn d’ansiel.

Las chauras eran pli baud las vatgas dals povers ed en ils vitgs dal Grischun devi bleras chauras. Cun il svilup da l’agricultura èn ellas svanidas pli e pli da las purarias. Dapi varsaquants onns datti dentant puspè manaschis cun allevament da chauras. Las chauras contribueschan a la biodiversitad, ellas pasculeschan era sin prads, pastgiras ed alps che n’èn betg adattadas per vatgas. Entras la pasculaziun da las chauras datti damain surfatschas che creschan en.

Chauras èn nas fins

Chaschiel chaura cunzunt e charn d’ansiel vegnan puspè appreziads. Las chauras èn nas fins e giaudan gugent erva savurusa, lur latg e lur charn cuntegnan pauc grass ed èn sanadaivels.

Per quests motivs ed er per spir plaschair da quests animals simpatics han Nadia Deplazes e sia famiglia decidì avant in pèr onns da far si chauras ed er da trair ansiels.

Nadia Deplazes, biopura a Surrein / Reits cun chaura en stalla.
Legenda: Nadia Deplazes, biopura a Surrein / Reits. RTR, Ursin Cadisch

Manaschi diversifitgà

La famiglia Deplazes porscha plinavant agroturissem cun in albiert sin l’alp da Glivers, els fan part da l’associaziun Amarenda da divers purs da Surrein e conturn. Uschia promovan els la vendita directa ed il catering era cun in shop online. Nadia Deplazes che ha 42 onns, lavura vitiers anc sco guida da viandar, porscha lamatrekking e d’enviern è ella engaschada sco scolasta da skis.

«Missiun B» – per dapli biodiversitad

Avrir la box Serrar la box

RR accumpagnament 10:15

Artitgels legids il pli savens