Siglir tar il cuntegn

Header

audio
Chasper Pult
RTR
laschar ir. Durada: 04:57 minutas.
cuntegn

Catschegn

Avant pauc temp avain nus raquintà davart il num dal pitschen Giulian. Uss è era ses bab mirveglius da savair la derivanza da sia schlattaina Catschegn, vischins d'Andiast dapi l'onn 1724.

La spezialitad sursilvana dals nums da famiglia che cumenzan cun la chasa, la ca, ans maina era questa giada en la dretga direcziun. La furma curta Tschegn, ch'è era ina schlattaina da Sumvitg, u cun la varianta Tschent da Ramosch, deriva dal latin Vincentius. Ed uss sa regurdain nus tuttenina dals Vincens u Vinzens e forsa era dal martir sontg Vinzens ch'è il patrun protectur dal Portugal. Quest num sa fa fitg bain cun l'onn nov!