Siglir tar il cuntegn

Header

cuntegn

Hercli

Tadlar
Download

Oz è l'onomastic dal prenum Hercli che l'Engiadina n'enconuscha betg. Er sch'il diminutiv fa parair ina persuna charina, deriva quel da Hercules e signifitgescha en sursilvan in um fermatsch, in coloss, in goliat. Las ditgas mitologicas pretendan che Zeus aveva midà apparietscha per far l'amur cun la bella Alkmene prendend la furma da ses consort. Da questa notg d'amur è naschì il mez dieu Heracles che ha fatg prestaziuns herculanicas e schlià 12 obligaziuns. Tranter auter ha el nettagià la stalla dad Augias cun far cular in flum per allontanar la grascha accumulada durant onns.