Siglir tar il cuntegn

Header

audio
Chasper Pult
RTR
laschar ir. Durada: 03:37 minutas.
cuntegn

Piz d'Ela

Tadlar
Download

Damaun vegn il Surses a vuschar areguard l'avegnir dal Parc Ela per ils proxims diesch onns. Sco il project dal Parc Adula ch'aveva fatg naufragi è era quest parc vegnì numnà tenor ina muntogna. Il piz d'Ela sin il territori da Bravuogn sumeglia pelvaira ad ina ala. Las alas da las giaglinas èn memia curtas per sgular ed er il proverbi di: «Senza alas è mal sgular». En rumantsch existan locuziuns cun las alas sco «laschar pender las alas». Ma tgi enconuscha l'expressiun «dar da las alas» che signifitga «esser muribund»? A San Murezzan giavischav'ins pli baud dapli esters che passentassan là l'enviern, ma «premiss cha nu sbattan be d'ün'ela».