Siglir tar il cuntegn

Header

audio
Chasper Pult.
RTR Guadench Dazzi
laschar ir. Durada: 5 minutas 14 Secundas.
cuntegn

Solstizi da stad e giomber

Download

Oz è pelvaira in di extraordinari! Tgi engiavina? Curt avant mesanotg entra il sulegl en l'ensaina dal giomber e cun quai cumenza la stad. Ma quai è era stà il di il pli lung, gia a partir da damaun vegnan ils dis ad esser pli curts.

En Surmeir di inqual ch'il segn dal zodiac saja bain tschernì: «...scu chegl tgigl giamber vo anavos, uscheia vo oss puspe igl sulegl sen sia cursa angiu». Ed a Champfèr vegn ina persuna clamada «ün giamber» sche ella ha fatg pass enavos en sia vita. Nemblidai en mintga cas betg da far viva questa saira sin ina bella stad!

Dapli da «Da num e da pum»

Scrollar a sanestra Scrollar a dretga