Dumengia è il di da festa per noss Göris, Giras e Gieris. Quai era er il di da las tschernas e dals pajaments. Versins d'uffants fan beffa dal num, forsa perquai ch'el è in dals nums ils pli appreziads en il Grischun sco patrun dals purs e dals viandants. Propi popular è il martir vegnì cun la legenda dal drag che pretendeva la casta figlia dal retg e ch'il son Gieri ha surventschì. Noss erox Jenatsch n'ha betg mazzà drags ma adversaris; ses num n'era betg Jürg, quest num ha imponì il scriptur Meyer. Forsa ch'i cunvegniss ozendi da leger il cudesch 1984 dad in auter Gieri: George Orwell.
Redacziun: Chasper Pult
