Zaivias

In hotelier indigen da Schlarigna che s'interessa fitg per tradiziuns e per nums vuless savair la derivanza dal pastg Zaivias ch'ins traversa cun ir giu da Corviglia vers Marguns sin il cunfin tranter San Murezzan e Schlarigna. Quel toponim è documentà gia lonn 1536 sco «Plaun da Zaiwias». In'ipotesa pudess esser che or dal pled saiv è sa furmà in verb «saivir», dal qual il particip passà en puter fiss «saivieu», pronunzià sco en il num. Bell'emprova, ma pertge existess questa furma unicamain en quest lieu? Ils purs avevan da metter saivs dapertut. Sutvart è il Sass Runzöl, er quel bel num attira nossa attenziun.