Siglir tar il cuntegn

Header

audio
La via da Bristen stat serrada per pliras emnas.
Keystone
laschar ir. Durada: 03:08 minutas.
cuntegn

Bristen

Il vitg da Bristen è dapi dumengia passada separà dal rest dal mund. Quai suenter ch'ina bova ha bloccà la via tranter Amsteg e Bristen.

Ils bun 450 abitants da Bristen èn actualmain pigliads en il vitg cunquai che la via donnegiada è la suletta via che maina dad Amsteg a Bristen. Uss examineschan las vischnancas co schliar il problem. Ina varianta è da drizzar ina via provisorica e da porscher in bus davent dal lieu en il vitg sco era da la val ora. L'autra varianta è da metter en funcziun la funiculara da l'ovra electrica dad Amsteg.

Gia l'onn 2003 eri be pli pussaivel da vegnir a Bristen cun la funiculara. Quai suenter ina siglientada da grippa ch'aveva bloccà la via per dudesch emnas.