Siglir tar il cuntegn

Header

audio
Unifurma da gala da la garda papala.
Keystone
laschar ir. Durada: 4 minutas 44 Secundas.
cuntegn

Guardia svizra papala e sias unifurmas

In vestgì blau, cotschen e mellen, ina chapellina marcanta ed in alumbard. Uschè enconusch'ins la guardia che protegia il papa dapi passa 500 onns. Quell'unifurma n'è dentant betg l'unica ch'els portan.

Sper l'uschenumnada unifurma da gala han ils gardists anc ina unifurma d'exercitar, ina da represchentants, ina da tamburs ed ina unifurma da scolaziun. Tge ch'els portan, dependa ferm da lur grad u era da l'occurrenza. L'unifurma d'exercitar, ch'è dal tut blaua, portan ils gardists per il servetsch da notg u sch'els stattan tar l'entrada Sontg'Anna.

L'unifurma enconuschenta da colur blaua, melna e cotschna è dal reminent vegnida skizzada d'in cumandant da la guardia enturn l'onn 1915. Per las colurs marcantas ha el laschà s'inspirar da la vopna da la famiglia Medici – ina schlatta impurtanta e da grond'influenza en l'Italia.

Dapli da «Il chavazzin dal di»

Scrollar a sanestra Scrollar a dretga