Tenor Focus Online hai dà en la part brasiliana da l'Amazonas 73'000 incendis da guaud. Quai èn 83% dapli ch'anc avant in onn. La setgira actuala accelerescha anc quest svilup negativ. Ils incendis da guaud van schizunt sur ils cunfins ora. Era il Peru, la Columbia e la Bolivia èn pertutgads dals incendis da guaud.
Motivs per il fieu
Il president dispitaivel da la Brasilia Jair Bolsonaro vesa ils motivs principalmain tar la setgira. Il Blick e la NZZ èn dentant d'ina autra opiniun. Pervia da runcadas cun agid da fieus escaleschia la situaziun actualmain. Cun questas runcadas veglian ils agriculturs crear dapli spazi per plantaschas.
Nua è l'agid?
Cunquai ch'il president Jair Bolsonaro ha stritgà bunamain la mesadad dals daners per cumbatter fieus en l'Amazonas, daventa la situaziun adina pli privlusa. Betg mo per corp e olma, mabain era per la midada dal clima. L'Amazonas è numnadamain in grond arcun da CO2. Sche las plantas ardan, lura possia quest CO2 ir en l'aria e stgaudar il clima.
