Malgrà che la tecnica, la scienza e la medischina han fatg enorm svilup stat la scienza uss en il 21avel tschientaner avant in grond segn da dumonda che fa gronds quitads. Var 20 terras da l'America dal Sid èn en stadi d'alarm – il virus sa derasa a moda rasanta. Scienziads èn sut squitsch per chattar ina schliaziun.
Naginas mesiras da prevenziun
In vaccin na datti betg, u sco prevenziun u sco cumbat encunter il virus. Sulettamain en Brasilia èn millis uffants naschids cun defurmaziun da la chavazza e donns dal tscharvè. Quest mustgin datti para gia dapi 30 onns en Brasilia ed igl è anc mai reussì dad extirpar il mustgin.
