Il cumpliment da quest'emna vegn da Gion Gieri Sgier da Sevgein. Il scolast che va en pensiun engrazia a Paulina Walder che habitescha en vischinanza da la scola. Ella haja adina gì pazienza cun sias scolaras e ses scolars, e saja stada miaivla durant 44 onns. Gion Gieri Sgier giavischa a Paulina Walder buna sanadad, ed el vegnia lura sperasvi, era sch'el n'haja betg da dar scola.
Cumpliments èn bels pleds cun grond effect. Adina puspè entaup'ins glieud ch'avess merità tals pleds: la vendidra en stizun che serva adina cun in surrir, l'amia che gida en il perchasa, il vischin che dat da magliar al giat u simplamain insatgi che merita daditg in cumpliment che fa bain al cor.
Faschai er Vus part!
Er sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
