Siglir tar il cuntegn

Header

audio
App da chatscha JagdGR
RTR
laschar ir. Durada: 3 minutas 37 Secundas.
cuntegn

App da chatscha JagdGR

La gronda part da las chatschadras e dals chatschaders en Grischun han telechargià l'app «JagdGR». Totalmain 2'800 giadas è l'app activa sin in telefonin.

Tge porscha l'app?

Ella cuntegna cartas geograficas, contingents, statisticas, prespcriziuns ma era ina glista cun numers da telefons impurtants. Las cartas geograficas èn per exempel in agid per s'orientar en guauds sin muntognas e funcziunan era en lieus senza rait da telefon. In'autra funcziun impurtanta è la glista da contingents. Cun quella pon ins eruir il lieu, nua che la preda è vegnida sajettada.

App datti gia 6 onns 

L'app datti gia dapi il 2015. Daniel Brändle, informaticher e chatschader dal Puschlav, ha sviluppà ensemen cun ses collega Francesco Luminati l'app per il telefonin. Sco Daniel Brändle ha ditg, han els investì bleras uras per realisar l'app. Els hajan fatg quai ord atgna iniziativa. L'app vegn adina puspè schlargiada ed actualisada. Ella custa 10 francs per onn.

Dapli da «Il Digitip - il tip digital»

Scrollar a sanestra Scrollar a dretga