Siglir tar il cuntegn

Header

audio
Colourbox
laschar ir. Durada: 3 minutas 12 Secundas.
cuntegn

Co far ch'il telefonin vegn puspè pli svelt

Uschè svelt sco gist suenter la cumpra n'è il telefonin mai pli. I dat apps che chargian adina pli plaun u er da quellas che strusch sa s'avran pli. Tge far per puspè midar quai?

L'emprim ch'ins duess mintgamai empruvar sch'insatge na funcziuna betg u sch'il telefonin è plaun, è da tschentar ora e puspè en il telefonin. Quai è in uschenumnà «reset» u per tudestg in «Neustart». Quai po gia tanscher per puspè far pli svelt il telefonin.

Ina regla ch'ins po tegnair endament è che pli blera rauba ch'jau hai sin mes telefonin e pli plaun ch'el vegn. I vala pia d'arcunar pauc. Per exempel èsi er adina bun da metter las fotografias sin in computer u d'arcunar quellas en la cloud. Plinavant pon ins era tschentar en whatsapp uschia, che l'app n'arcunescha betg adina automaticamain fotos u videos. Ed i gida era da stizzar da temp en temp apps ch'ins na dovra betg.

Tar apps ch'ins dovra, ma che vegnan lura cun il temp pli plaunas, poi era gidar da stizzar da temp en temp il cache.

Tge che po era gidar è da reducir las actualisaziuns. Pia tschentar en che apps da novitads u messenger s'actualiseschan betg trasora, mabain forsa be mintga mes'ura. Tar ils mails pon ins tut tenor era deactivar cumplet la funcziun, uschia che quel s'actualisescha be cura ch'ins dovra l'app. Quai dovra dal reminent era pli pauc accu, perquai ch'il telefonin na tschertga betg trasora la colliaziun per actualisar.

Dapli da «Il Digitip - il tip digital»

Scrollar a sanestra Scrollar a dretga