Cun il tool agbcheck.ch pon cosumentas e consuments examinar il cuntegn da cundiziuns generalas da fatschenta (AGBs) ed uschia evitar ch'in contract sa prolunghescha automatica ed ins sto pajar in'ulteriur onn.

La Fundaziun per la protecziun dals consuments ha lantschà in tool online nua ch'ins po far in check da las cundiziuns generalas da fatschenta. Cun agid d'intelligenza artifiziala examinescha il tool sche las cundiziuns generalas da fatschantas da per exempel abunaments da fitness, da gasettas ubain auters contracts han clauslas che prolungheschan automaticamain il contract per in ulteriur onn ed ins sto pajar. 

Check aifer intginas secundas

Il tool è fitg simpel – cun paucs clics sin la pagina agbcheck.ch pon ins chargiar si ubain copiar en las cundiziuns generalas da fatschenta (AGBs) d'in contract. Aifer paucas secundas analisescha il tool cun intelligenza artifiziala il text e mussa sche quel cuntegna clauslas che prolungheschan il contract senza ch'ins sa e sto uschia pajar. El mussa ina ampla verda, oranscha ubain cotschna – tut tenor tge ch'el constatescha. Uschia pon ins far p.ex. ina regurdanza en l'agenda per lura visar in contract ed uschia evitar ch'ins paja vinavant per in magazin ubain abo da fitness ch'ins na vul gnanc pli. Il tool recumonda er da far attent las firmas che lavuran cun talas clauslas che prolungheschan il contact, per far squitsch sin quellas da midar questa pratica.