Midar dal modus cler sin il modus stgir è pussaivel cun tschentar en quai sin il sistem. Sin Windows 10 p.ex cun activar il modus stgir sur il visur. Sch'ins ha fatg quai cumparan paginas ed apps che han quest modus en in mantè nair cun scrittira alva. 

In modus cun inqual mitos

Il modus stgir saja meglier per ils egls. Quai è dentant be mez vaira, sch'ins fa retschertgas en l'internet. Uschia èsi pli pauc stanclentus per l'egl sch'ins legia sin in visur stgir cura ch'ins è er en in conturn plitost stgir. È il conturn dentant clers, lura èsi schizun pli stregn per ils egls da sa concentrar. Er in zic in mitos è ch'il modus stgir spargnia energia. Quai dependia da la tecnologia dals visurs. Uschia saja quai be il cas sch'ins haja in visur da OLED, uschia ha declerà in expert al spiegel online. Tar quels visurs glischa mintga pixel singul, cun il modus stgir spargn'ins uschia energia. Betg il cas è quai dentant tar visurs da LCD, ch'èn pli frequentads. Cun questa tecnologia gidia il darkmode betg da spargnar energia.