Siglir tar il cuntegn

Header

audio
Cun Google Maps pon ins uss er ir tras las vias e guardar quant frequenta che lieus èn.
Keystone
laschar ir. Durada: 4 minutas 25 Secundas.
cuntegn

Per charrar pli ecologic u savair quant frequentà ch'in lieu è

Google Maps ha preschentà avant curt en ina conferenza tge novaziuns da l'applicaziun ch'i vegn proximamain a dar. 

Uschia avessi da dar novas per tut quellas e quels che dovran Google Maps per charrar. En futur duess l'app er mussar la ruta pli ecologica per arrivar dad A a B, pia la ruta nua che l'auto dovra il pli pauc carburant. Ultra da quai duessa la app lura er selecziunar la ruta pli segira, vul dir quella via, nua ch'i dat ils pli paucs puncts neuralgics d'accidents. 

Quant frequentà e in plaz u ina ustaria?

Sper quai vul Google Maps en futur er porscher dapli infurmaziuns en tschertas citads. Uschia pon ins guardar cun la funcziun «Live View» quant frequentada che per exempel ina via ubain ina ustaria è. Quai pudess esser gist en temp da pandemia in agid. Enfin uss testa Google Maps questas funcziuns gia en 50 grondas citads sin quest mund.

Dapli da «Il Digitip - il tip digital»

Scrollar a sanestra Scrollar a dretga