Siglir tar il cuntegn

Header

audio
La «Halla d'art» è be in dals numerus museums en il conturn da la plazza da Helvetia a Berna.
Keystone
laschar ir. Durada: 05:08 minutas.
cuntegn

Berna sco pitschna Vienna?

La citad da Berna planisescha in «quartier da museums».

Tadlar

La chapitala svizra ha gronds plans. Il conturn da la plazza da Helvetia (il Kirchfeld) duai daventar in grond quartier da museums – in pau sco il model da Vienna u l'insla da museums a Berlin.

Gia oz ha quai enturn la plazza da Helvetia divers Museums ed exposiziuns – 11 en tut – per exempel l'enconuschent museum istoric, il museum da communicaziun, il museum alpin u la halla d'art.

En l'avegnir duain tut questas chasas survegnir in'entrada centrala e tranter las chasas è planisà in grond parc. Quels plans da la citad da Berna, ensenen cun il chantun e la vischnanca burgaisa n'èn però betg bunmartgads: Tut en tut lessan ils responsabels dar ora fin 250 milliuns francs per attrair dapli turists da l'entir mund.