La gruppa la pli gronda ed enconuschenta sa chatta en il guaud primitiv da Bialowieza, tranter la Pologna ed il Belarus. Autras gruppas pli pitschnas vivan libras en Russia ed en auters pajais da l'Europa da l'Ost.
Lura datti gruppas parzialmain libras en Frantscha, Spagna, Danemarc e Pajais Bass. Quests animals fan part dad in project internaziunal da conservaziun da la razza. Dapi stgars dus onns vivan ussa puspè insaquants bisons europeics er en Svizra, en il nord dal chantun Vad, en in'uschenumnada «cella da conservaziun dals bisons».
