Siglir tar il cuntegn

Header

audio
Il Valais promova l'egualitad da mattas e mats.
Pixabay
laschar ir. Durada: 05:39 minutas.
cuntegn

Il Vallais va novas vias en l’educaziun d'uffants

En il Vallais duain ils uffants vegnir educads uschia, che mats e mattas han las medemas premissas per l'avegnir. Stereotips ch'èn francads en nossa societad duain vegnir eliminads e l'egualitad tranter um e dunna rinforzada.

Tadlar

Mattas ston esser bellas, far termagls cun poppas e gidar adina gugent. E mats na dastgan betg cridar, ston esser ferms e far termagls cun autos. Quai èn mo insaquants dals pregiudizis envers uffants. Stereotips ch'influenzeschan gia fitg baud il svilup da mats e mattas e limiteschan l'egualitad tranter dunnas ed umens.

Èn las pretaisas da la societad per mats las medemas sco per mattas? Tge cumportaments e tge qualitads spetgain nus da mattas e da mats gia cura ch'els èn anc fitg pitschens? Cun da questas dumondas duai il persunal da canortas dal chantun Vallais vegnir sensibilisà. Il Vallais ha per quest intent introducì novs curs per educaturas ed educaturs che sa basan sin la publicaziun «La poupée de Timothée et le camion de Lison».