Ma na betg mo la Frantscha e la Germania han fabritgà porcellana. La Svizra ha era empruvà quai. Turitg ma era Nyon, ina pintga citad tar il lai da Genevra speravan ch'ellas pudessan sa metter en concurrenza cun las grondas manufacturas da l'Europa. Il renum n'ha betg durà ditg. En Frantscha han ils aristocrats sustegnì las manufacturas da porcellana pervia d'in tschert prestige.
A Nyon n'è quai betg stà il cas. La manufactura ha existì be circa 50 onns tranter il 1780 ed il 1830. Suenter è anc vegnì fabritgà terracotta per anc ina giada circa 50 onns. Oz na vessan ins pli nagut da quests affars. Ma is resta l'istorgia da la porcellana a Nyon e la vaschella ch'ins po vesair en il chasti da Nyon. U tar in per amaturs che dissegnan inavant cun precisiun ils motivs dal vegl Nyon sco per exempel las flurs da graun.
Redacziun: Donata Vallino
