Siglir tar il cuntegn

Header

MAD
cuntegn

Eric Clapton: «Tears in heaven»

Eric Clapton vala sco in dals megliers ghitarrists, ha vendi sur 70 milliuns albums ed ha cumponì bleras chanzuns ch'èn daventadas semperverdas. El ha sunà tar ils Yardbirds e tar Cream, ha fatg ina grondiusa carriera da solist, ha scrit chanzuns da bellezza e viva sin la vart sulegliva. Ina da sias chanzuns las pli impressiunantas ha però da far cun in eveniment tragic. Ils 20 da mars dal 1991 capita insatge che tut ils geniturs teman il pli fitg: la mort da lur agen uffant. Quel di croda Conor, ses figl da 4 onns, or da la fanestra d'ina chasa d'appartaments a New York ed è subit mort.

Cun la chanzun «Tears in heaven» prova Clapton d'elavurar quest accident incumprensibel e di: en il tschiel na datti naginas larmas, sulettamain pasch. La chanzun impressiunanta, mudesta e calma e cun ina bellezza simpla ha dà consolaziun a blers umans en situaziuns difficilas – ed è er daventada in dals pli gronds success per Eric Clapton.

Dapli da «Ina chanzun – in’istorgia»

Scrollar a sanestra Scrollar a dretga