Siglir tar il cuntegn

Header

cuntegn

Prevista sin il 45avel SSQW

La brass band Sursilvana organisescha quest onn la concurrenza svizra da solists e quartets, la SSQW.

Per l'emprima giada ha questa occurrenza lieu en il Grischun, e quai ils 13 e 14 d'avrigl a Cuira. La BBS dastga beneventar en quels dus dis enturn 170 musicantas e musicants giuvens da l'entira Svizra. La fin vegn lura eruì il campiun svizzer.

RTR accumpogna l'occurrenza e tegn Vus sin il current da quai che curra e passa. Per cumenzar preschenta l'instrumentala dad oz las furmaziuns da chasa d'inqual solist.

Redacziun: Christa Soliva