Siglir tar il cuntegn

Header

audio
Arnold Spescha - um da la melodia dal pled
MAD
laschar ir. Durada: 60:00 minutas.
cuntegn

Arnold Spescha – Flurs da glatsch

La musica derasa anc pli fermamain la poesia!

Download

Poesias d'Arnold Spescha zugliadas en musica sinfonica – quai è il tema da mia davosa emissiun La Classica. E qua datti duas ovras interessantas cumponidas da duas dunnas da la Ucraina. 2014 metta Victoria Poleva (*1962 a Kiew) quatter poesias dal sulegl en vestgi musical e numna quest'ovra scritta per sopran ed orchester da chombra «El bratsch dil sulegl». La primaudiziun ha gì lieu 2015 a Lemberg (Ucraina). Simon Camartin ha dirigì là il Lviv Philharmonic Orchestra. Solista: Christina Daletska, ina ucraina che viva dapi onns en Svizra.

2017 ha la cumponista Bohdana Frolyak (*1968 a Lemberg) cumponì «Flurs da glatsch», in'ovra per mezzosopran ed orchester sinfonic tenor set poesias d'Arnold Spescha che tractan l'aura. Il medem onn ha la primaudiziun gì lieu a Lemberg. Simon Camartin ha dirigì qua il National Symphony Orchestra INSO. La chantadura da l'opera da Lemberg, Svitlana Mamchur ha chantà per l'emprima giada en rumantsch e gì grond tschaffen e gust da quest'ovra e da nossa lingua.

Davart questas duas cumposiziuns e las preschentaziuns hai jau discurrì cun ils dus protagonists: Arnold Spescha, il poet e Simon Camartin, il dirigent.

Redacziun: Giusep G. Decurtins

Musica – ils ultims tocs